Na feta’ua’ina le fanaina e leoleo o se tagata na agai sa’o ane lana taavale i leoleo a o agai atu e faatino se poloaiga e su’eina ai se tagata search warrant i le faaitu o Awhitu.

O se faamatalaga mai le ofisa o leoleo i Counties Manukau ua ta’ua ai na agai atu nisi o leoleo faapitoa e aofia ai le vaega o leoleo faaaupegaina i le faaitu lea i le te’a laititi o le 7 i le taeao e faatino se su’esu’ega e aofia ai ni fana, fai mai e taunuu atu i lea nofoaga ae agai sa’o ane iai le taavale a lea tagata e pei ona ta’ua.

Na lavea ai le isi malu o le malo ae taumafai le isi e alofia le faalavelave ma oso ese ma le taavale.

Na fana ai loa e se tasi o leoleo faaaupegaina le tagata lea na malaga atu i le taavale, ma aveina atu mulimuli ane i le falemai i Middlemore i se tulaga tigaina.

Ua molimauina e nisi le toatele o malu o le malo o loo iai i le pitonuu lea mo le faia o su’esu’ega.

Fai mai e toatolu isi na pu’eina ma le isi o loo tau sailia pea i lea mataupu.

Puna o Faamatalaga: https://www.newshub.co.nz/home/new-zealand/2024/06/police-swarm-remote-auckland-settlement-whitu.html