Ua faasala nei i le toese se tama’ita’i 33 tausaga le matua o Morrinsvile i lona ave faagaoi ai o le ‘afa miliona tālā a le Kamupani na galue ai lea tama’ita’i.
I lipoti mai le Waikato Times, na faaalia ai le tutulu o Ariana Thompson-Bell ina ua lau le i’uga a le faamasinoga, e faamaonia ona moliaga ma o le a faasala i le falepuipui mo le 27 masina.
Faamauina sa ia ioeina lava lona moliaga o le gaoi.
Talu ai tulaga faaletulafono ua tapu ai ona faailoa faalaua’itele ai le igoa o le kamupani ae ta’ua e foliga mai o se galuega e iai sootaga i polokalame e saga faalaua’iteleina ai le malamalamaga i tomai ma agavaa.
O le mea mata’ina i le maitau ai i le faasolo ai o lea matāupu i le Faamasinoga Faaitumalo i Hamilton, e ui i le faatino ai e Ariana o le gaioiga lē sa’o aga’i i le kamupani, ae na faaalia lava itu taualoa o le kamupani ma tūtūla’i e faailo i le faamasino, e lē tatau ona faasala i le to’ese.
O le latou iloa e leai se mea lelei e maua mai i le loka i le falepuipui o le tama’ita’i.
Ae faamanino e le tama’ita’i faamasino na faatautaia le matāupu o Tini Clark, na ala ona solia e Ariana le tulafono, ona o le taumafai e ausia ma maua le tele o meatotino e lē oo iai le malosi e na te mauaina i le faaperetania (living beyond her means)
Ua faaupu ai e le faamasino ia Clark gaioiga a lea tama’ita’i, o le mana’o tele ma le matape’ape’a poo le greed.
Puna o Faamatalaga: https://www.waikatotimes.co.nz/nz-news/360765201/half-million-dollar-thief-told-word-springs-mind-greed
