E faitau selau avanoa faigaluega a le Iunivesite o Otago e ono alu i le vāea a o lē faigofie ai i le laumua le faaitiitia o fanau aoga.

O le imeli mai lea a le iunivesite i fanau aoga e tusa ma le fuafuaga o loo iai nei, ma e ono aafia atu ai ma faiaoga o loo aoaoina mataupu.

O le vaiaso fou lea e faapea o le a amata tatala mai ai le avanoa i le aufaigaluega e mananao e o i le vāea poo le voluntary redundancy.

O se taimi foi o Ie tausaga lava lenei o le a faamuta ai isi avanoa faigaluega ma o le a iloilo pea i le agai i luma i totonu o le isi 18 masina.

I lipoti e le faigofie i le iunivesite le lē lava o tupe o loo faamatuu mai e le malo ma o se tasi lea o mafuaaga ua agai ai i le faaiuga ua iai nei.