A o tulimata’i le masina fou o Iuni e taualuga iai polokalame o le atoaga o le 20 tausaga o le tautua a le auaunaga tuma’oti o le Toomaga mo ē Puapuagatia, ua faailoa e le latou pelesetene o Siliniu Lina Chang, le taunuu atu o nisi o meaalofa tupe mai nisi o pisinisi tuma’oti ua leva tausaga o latou galulue faatasi ma avatu le lagolago.

O le tasi o ia auaunaga o le kamupani lafo tupe ma tala ai seleni faamomoli le Pacficezy e sefuluafe tālā le latou foa’i, lea na tauaao i le pelesetene ma sui o le Toomaga i lo latou ofisa autū i le Aso Gafua o lenei vaiaso.