O le a suia nei le tusa ma le 20 o pulega faatonu o falemai faaitumalo District Health Boards e le Health New Zealand e pei ona faamanino mai e le malo I le vaiaso nei. O se tasi lea o suiga aupito I tele ua faia I auaunaga e patino I le soifua maloloinia o le atunuu.
O le a faatuina foi ma se pulega fou a Maoli lea o le a tuuina iai le malosiaga e faatuina ai auaunaga tau le soifua maloloina ma mataitu le soifua maloloina o tagata Maoli.
O le a vaaia uma e le Matagaluega o le soifua maloloina lea tulaga ma ua faamanino e le minisita o le soifua maloloina o Andew Little ia suiga tetele ma o le a amata faamamalu I le masina o Iulai o le tausaga fou.
O nisi o faalauiloaga tetele e aofia ai le avea o le matagaluega o le soifua maloloina ma faufautua ma o le a faatuina foi se public Health agency I totonu o le Matagaluega o le soifua maloloina.
Pei ona faailoa I le newstalk ose lipoti muamua sa fautuaina ai le faaitiitia e le matagaluega o le aofai o DHBs I le atunuu ae le faapea o le a faamuta ai ma seleni mo le faatupeina o falemai pei ona faamaonia mai e le minisita.
O le Health NZ o le a aofia ai le 12 o auaunaga faalauaitele, public health services I vaega uma o le atunuu.
