O le vaveao o le Aso Tofi o lenei vaiaso na molimauina ai e nisi le faatama’ia i le malaia poo le afi o le maota Samoa tele e tulata i le alatele o le malo i le afio’aga o Faleula.
O le maota lea sa faaee ai le suafa matai o Leuluaialiiotumua i le Palemia o Niu Sila o Bill English i le tausaga e 2017.
O le faletua o le Palemia o Niu Sila i lea taimi e mai le afio’aga o Faleula ma o le mafua’aga lea o le faafoutupu sa faia ai i le maota ua faatama’ia i le afi.
O se maota foi sa faia ai taaloga bingo sa latalata ma afe gofie e tagata taaalo mai afioaga e tu lalata i Faleula i le itu i Sisifo ma Sasae o lea afioaga i le itumalo palota o Sagaga Numera Muamua.
E iai le talitonuga o loo faia su’esu’ega a leoleo i le mafua’aga o lea faalavelave tau mu.
