Ua faavae aloaia nei se vaega i lalo o le vaega’au a Niu Sila, le Royal New Zealand Air Force ua ta’ua e mata’itūina gaioiga i le vanimonimo e pei ona faaiogaina i le Gagana Peretania, Space Unit- No. 62 Squadron.
O lenei faamoemoe na tatala aloaia e le tamaitai Minisita o Puipuiga, ia Judith Collins, ma na ia ta’ua o lenei vaega tāua, o le a agai tonu lea i le puipuia o le vanimonimo o Niu Sila
Faaopoopo le tamaitai Minisita, o le auga o lenei vaega poo le No. 62 Squadron, o le a mafai ona maua ai faamaumauga, ma iloiloga maumaututū, ma iloa lelei vaega o puipuiga mo Niu Sila i lona itu faalotoifale faapea itu faavaomalo.
Faamanino foi e Judith Collins, ona o le alu alu pea i luma gaioiga faanei ona po i le lalolagi, o le ala lea ua tagai ai Niu Sila e saga faamausalī, tulaga ma gaioiga e puipuia ai itu tuaoi o le atunuu.
Puna o Faamatalaga: https://www.beehive.govt.nz/release/new-space-squadron-nzdf
