Ua faaalia popolega o le Matāgaluega o Leoleo i le faatupula’ia o matāupu e vaaia ai le faaaogāina o tupe pepa lē aloa’ia poo counterfeit cash i totonu o le atunuu.
Ta’ua e leoleo o le tele o tupe pepa o loo vaaia le faaaogāina e tagata o tupe pepa 50 tālā ma le $100 tālā Niu Sila.
Ma ua fautuaina malosi e leoleo tagata faipisinisi aemaise i faleoloa ina ia mataala i soo taimi e latou te taulimaina ai se tupe pepa mai le mamalu lautele, ma ia mata’itūina lelei tulaga uma e pei o le faalaua’itele o le malamalamaga ma a’oa’oina lelei i foliga vaaia o tupe pepa, ina ia mafai ona o latou iloa ma fetuuna’i le tupe sesē ma le tupe pepa moni o loo tuuina atu e se tagata.
Ma ua fautuaina le faafesoota’i atu o lo latou ofisa pe afai ua o latou taulimaina se tupe pepa sesē ma le lē aloa’ia.
Puna o Faamatalaga: New Zealand Police
