O le malo o Niu Sila ua faamauina nei i talafaasolopito o le afio’aga o Laulii i le itumalo o le Vaimauga ua fesoasoani e faatupe i le tau e 3 miliona 350 afe tala le galuega o le taligalu o lea afio’aga.
O se galuega e le’i faigofie ona sa’ili ai se fesoasoani a le tatou malo e pei ona faailoa e le afioga Leniu Vainiu Te’o, o ia o le Sa’o o le nuu ina ua ia folasia le tala o le galuega mai le amataga.
Le afioga Leniu Vainiu Te’o o le Sa’o o le afio’aga o Laulii.
O le minisita o le Matāgaluega o Puna’oa Faalenatura ma Siosiomaga sa fai ma sui o le malo e talatala nisi o tapenaga sa faatino a o le’i fausia le taligalu i le fesoasoani a le malo o Niu Sila.
Le afioga Toeolesulusulu Cedric Schuster o le Minisita o le Matāgaluega o Puana’oa Faalenatura ma Si’osi’omaga.
