Ana faapea nei e toe faia se isi faigapalota tele a Niu Sila, e tumau lava le faigamalo faufaatasi o loo iai nei.
O le iuga lea o le palota faapolokiki a le 1News na faailoa mai anapo le faai’uga, ma ua tuu faafeagai ai le faai’uga o le palota na sau i tua i le masina o Aperila.
E lua points ua sau ai i luma le vaa o le National faapea le New Zealand First, ae tumau le ACT.
Mo pati a Itu Agai, e pa’ūū uma le Labour, Green Party ma le Pati a Maori i le ta’itasi points.
A faaliliu i nofoa o le maota fono o lona uiga e maua ai e pati e tolu o loo fausia nei le faigamalo nofoa e 64.
Ae mai le Palemia o ia foi o le ta’ita’i o le National, Christopher Luxon, e na te lē o amana’ia tele faai’uga o palota nei ma le tala o le faiga lava lea o mea faapolokiki, o le mea moni o le taumafai ia taulai pea i sini ua mae’a fofola mai e lana faigamalo e tatau ona fai.
Puna o Faamatalaga: Govt ‘not resonating’ says Hipkins, but Luxon unmoved by poll (1news.co.nz)
