E faitau afe tausi soifua ma faatosaga i Niu Sa Uelese ua faatino nei sa latou solo tetee e 24 itula na amata i le taeao analeila ona o o latou totogi.
Ua faailoa i lipoti e tele ta’otoga sa fuafua e faia i le asō i Niu Sa Uelese ua toe tolopō uma.
Fai mai le faamatalaga a le Asosi lea e amata le latou solo tetee i se faatasiga e faia i le Hyde Park i Sini i le ‘afa o le 11 i le taeao analeila.
O isi faatasiga e faailoa ai lo latou tetee o le a faia i Tweed Heads ma Albury.
O loo valaau le asosi mo se siitaga e 15 pasene i o latou totogi ae o loo ofoina ane e le faigamalo a le setete le 3 pasene o le siitaga pe afai e faamuta tetee.
Ua tuuina ai ma se faaaliga i gasegase i le asō i Niu Sa Uelese ina ia aga’i i vaega o fesoasoani faavavave i falema’i pe afai e ogaoga ni tulaga e mana’omia ai togafitiga.
Puna o Faamatalaga: https://www.9news.com.au/national/nurses-strike-nsw-hospital-staff-to-strike-elective-surgeries-paused-pay-rise-sought/0c8a5e7e-92b3-444b-b0be-377c02107d50
