E lē toe mamao ona faataunuuina lea o le nisi o taaloga faitaulia a le Manu Samoa e pei ona fuafua e faataunuuina i Niu Sila nei. A o tapena ai la le ‘au mo lana uluai taaloga ma le ‘au a Sikotilani, ua molimauina le fasalalauina ai i luga o upega tafailagi o le faatautaia ai o se faatasiga tele a tagatanuu Samoa, o ‘au lagolago mo le ‘au lakapi o le atunuu.
O se polokalame ua ta’ua o le “Manu Samoa Fan Day”
O se potopotoga e faaalia ai le lagolago o tatou tagata Samoa i le ‘au a le atunuu. Ma e tusa ai nisi o faalauiloa o le a faapena ona amata lea polokalame tele i le itula e 1 i le aoauli o le Aso Toonai nei aso 12 o iulai, i le Otara Town Centre stage.
Ma o le a vaaia le auai ai o nisi o sui iloga o le tatou atunuu i lea faatasiga tāua. O le a iai foi ni au faafiafia i lea aso.
O le aso 18 o le masina lenei o le a taaalo ai le Manu Samoa ma le ‘au tele a Sikotilani, ma e o le a faataunuuina i le malae tele i Eden Park.
