Ua faailoa e le Matāgaluega o Puna’oa Faalenatura ma Si’osi’omaga mo le silafia e le atunuu aemaise tagata o alala i nofoaga o loo iai sailini mo le logoina o ni lapata’iga o faalavelave faafuase’i, le faia o ni faata’ita’iga i le aoauli o le Aso Gafua a sau, le aso muamua o Setema, i le faamoemoe e siaki poo lelei pea ia aseta tāua ma aogā.
O le 3 i le aoauli o le Aso Gafua o muamua nei e faa’e’e ai sailini o loo i nofoaga e pei o le malaetaalo i le Apia Park, nofoaga o le malosi’aga tau eletise i Tanugamanono, le ofisa tutotonu o le Matāgaluega o Aoga ma Aganuu i Malifa ma nuu e pei o Lalovaea ma Maagiagi.
Ua fautuaina le atunuu ia aua ne’i faapopoleina pe a faalogoina le fe’ei o ia sailini pe a faata’ita’i poo lelei atoatoa.
O loo fuafua e ta’i 3 masina ma faia ia faata’ita’iga i Aso Gafua muamua uma o masina ta’itasi i le 3 i le afiafi.
Manuia le alo atu o Samoa i lana faigāpalota, manuia foi ma le faai’uga o le vaiaso mulimuli o Aokuso.
