E lē o toe mamao ona faataunuuina lea o le faatasiga tele ua faaigoaina o le Pacific 2 Nation Partnership, e pei ona faamoemoe atu ai le to’atele o sui o le Pasefika, o faalapotopotoga ma sui o ekalesia eseese.
O lenei faamoemoe o le a faatino lea i le Aso Lua 23 o Setema, 2025.
Faamauina o lenei faatasiga o loo aga’i tonu lea i le aumaia faatasi ai o faalapotopotoga nei, ma tagata galulue o le talalelei e militino faatasi, aemaise o le saga faamausalī pea o sootaga, ae o le galulue faatasi ina ia maua le filemu ma le felagolagoma’i i le va o le tasi tagata i le tasi tagata.
Ma ia saga faatumauina le tala’i atu pea o le talalelei i le to’atele i totonu o Niu Sila ma atunuu i fafo.
To’atele tagata taualoa o loo faamauina o le a iai i lea faatasiga tāua, ma o le saunoaga autū o le a fofogaina e le afioga ia Savae Sir. Michael Jones – o se tasi e lē gata ina iloga i taaloga faavaomalo i le lakapi, ae ua iloga foi i lona tautua mo tagata lautele, aemaise o lana ta’ita’iga i le tele o faalapotopotoga, ma lona loto finau ina ia maua pea e o tatou tagata Pasefika le tele o avanoa fai mai a lenei atunuu.
O le a faatautaia lea faatasiga i le ‘afa o le itula e 6 i le malae o le Eden Park.
Puna o Faamatalaga: https://www.facebook.com/share/p/19u6u364PW/
