Ua lipotia mai nei le faatama’ia ai o se vaa tele, o se aseta e iai lona tāua i le talafaasolopito o Niu Sila.
O lea vaa ua faaigoaina o Tui, ma o se vaa na faaaogāina e se tasi o tagata su’esu’e e suafa ia Kelly Tarlton, o se tasi ua iloga i ana galuega su’esu’e ua ta’ua o le Explorer and Treasure Hunter.
O lenei vaa na taula i Waitangi Bridge i Paihia ma ua faaalia le faanoanoa tele o le aiga ma tagata e silafia lea aseta tāua i le mea ua tupu.
Ta’ua i lipoti mai su’esu’ega i le mū o loo masalomia o se gaioiga na faia ma le loto iai.
Ma e māua o le 90% o le vaa ua faaleagaina.
O lenei vaa na faatau mai talu ai nei e le TriOceans, ma na toe faia iai ni galuega toe faaleleia e faaaogā lea o se nofoaga faalea’oa’oga poo le marine education center, ae o lenei ua faatama’ia e le afi.
O loo faasolo nei su’esu’ega a leoleo i le afuaga o lea faalavelave.
Puna o Faamatalaga: https://www.rnz.co.nz/news/national/563003/historic-ship-tui-on-fire-near-paihia-s-waitangi-bridge
