O le a mafai ona umi ona tatala auaunaga a Faletalimalo ma Kalapu ua lesitala i Niu Sa Uelese pe a fai latou te faasalalauina taaloga o le Ipu o le lalolagi i le soka lea e talimalo faatasi ai Niu Sila ma Ausetalia.
O le faitau afe o le aumaimoa o le a agai ane i nofoaga ua fuafua e faia ai taaloga e le gata i Niu Sila ae faapea foi i Ausetalia lea ua faatulaga ai taaloga e 64 e faia i totonu o le 32 o aso.
O Melepone, Brisbane, Adelaide ma Perth o le a talimalo uma i taaloga ae o le sailiga o le siamupini o le a faia mai i le malae a le Accor i Sini i le aso 20 o Aokuso.
O le tatalaina o taaloga taeao i Ausetalia o le a fetaui ai Ausetalia ma Aialani i le uluai taaloga.
O loo lagolagoina lenei faamoemoe e le faigamalo a Niu Sa Uelese e ala i le faataga ona tatala umi o nofoaga e pei ona ta’ua.
