O le Aso Lua o le vaiaso a sau, le aso 3 o le masina fou o Iuni o le a faata’ape aloa’ia ai le paeaiga lona 17 a le Palemene o Samoa, lea ua faamuta e le’i mae’a le lima tausaga o le paeaiga e mafua i le teena o le tala faatatau o le tupe a le malo.
O le faata’ape ai o le Palemene o le a faamuta ai ona toe maua faamanuiaga e pei o totogi mo faipule uma se’ia vaganā i latou o loo aiaia faaletulafono o sui o le malo tausi e pei o le Palemia ma Minisita e faaauau pea ona latou faaaogā taavale a le malo ma maua totogi, se’ia oo ina mae’a le isi palota tele.
