Na lipotia mai le tali atu o leoleo i se faalavelave na tula’i mai a o tumutumu ai le to’atele o tagata i le maketi na faatautaia i Pakuranga i le afiafi o le Aso Toonai.
O le faai’uga o le vaiaso na te’a nei.
O lea matāupu faamauina, poo le itula e 6:45 i le afiafi na valaau atu ai le ofisa mo se fesoasoani mai leoleo ma fesoasoani muamua, ina ua lipotia atu le aafia ai o ni tagata se to’alua – e ta’ua e fai lava sina tugā o manu’aga o ē ua aafia.
I faamaumauga o loo ta’ua ai na tatui se’i tulou i la’ua nei.
Ta’ua le faasolo o iloiloga ma su’esu’ega i le itu na tula’i mai ai le faalavelave, ma ua fautuaina ai le mamalu o le atunuu e tusa ai ma le aga’i atu pea o malu o le malo e faatino a latou galuega.
I lipoti mai leoleo, ua mae’a ona faatino taotoga a ē na aafia ma ua faasolosolo manuia i le falema’i.
Ae ua lipotia ma faamaonia mai nei le tula’i ai o se alii i luma o le Faamasinoga Faaitumalo o Manukau e tali atu i ona moliaga.
Ua faamauina e 23 tausaga le matua o lenei alii ma e māua na aga’i atu lava lea alii i le ofisa o leoleo i Manukau i le afiafi o le aso ananafi.
E lua moliaga o loo molia ai o ia, o moliaga o le faamanu’alia ma le faamoemoeina – faatupuina o manu’aga ma le faamoemoe e faaoo ai manu’aga ogaoga i le tino.
