Ta’ota ia le laau ma ona lau. Auā e le mafai e se isi ona faamatua o faivaina ou paia Samoa tainane paia o le Atua. Ae faapito se tala mo lenei itumalo. E asu vai i pu’ega ma ou faamālū i le paia o Siumu i ona tulaga fa’alupe.
Afai ua sala tai, malie ia tonu mai uta. Sa taunuu lava le fono, pei ona valaau atu, ae le’i atoa tupe o fafao, ona ua sesē le aso na ta’ua. Ua na’o tamā leai ni avā (tulou) na omai, a’o le toatele ua faanoi mai ona e ō ave tinā e faaeva.
O le mea lea lo tatou itumalo, o le a oo lava la tatou fono i le aso 17-05-2025 i le tuātusi:
15 IMRIE AVE, MAGELE i le itula e 4PM ,Aso Toonai.
O lou lē auai e le toe toloina ai le finagalo ua tasi iai matou na fono. O le a fai lava le faamoemoe mo le Katoliko i le masina fou. O le a leva ona tuu.
Faafetai tele lava,
Tofaeono Tupuola Lafi Itulā
Luātoloa Tavita Su’a Samuelu.
Asuao Sio Faalogo
Tuu’u Tulāpou Tal’aepā (0272697426)
Mo le Itumalo.
