O le a fata ia I mauga ma le faasauga o ao ma le atu folasa aua e faigata ou Paia sausaugata Samoa, o oe o le ao mamala. E tu manu ae lilia, e ta liu foi le tautai ae popoe aua o lea ua gatalitali le gataifale, ua loloma foi le tai sua ae fotupule le tai o Tumua.
Ae faasino tonu lenei faasilasilaga mo Alo ma tamafanau a lenei nuu o Sapunaoa I Falealili.
Sei vaeatu le susu mai o lau susuga I le Toeaina ma lou faletua, lau susuga I le taitai fono, aemaise o lupe faalele o taulaga soifua ma feoi o le Talalelei I soo se fatafaitaulaga, aua le afifio o Tapaau ma aiga, o tamalii foi ma failauga, o tausi ma sa’oao ma tamaita’i, le malosi o lo tatou nuu, aemaise o ni o tatou paolo ma ni gafa sa sausausema e malu ai lo tatou nuu.
Ua tatalo atu I le ava ma le fa’aaloalo tele, I lo outou Paia ma lo outou mamalu, o le a toe faia le isi a tatou fonotaga I le Aso Toonai nei, aso 1 o Novema, ile itula e 11am ile taeao.
Nofoaga e fai ai, o le tuatusi O LE OTAHUHU TOWN HALL COMMUNITY CENTRE 10/10 HIGH STREET I OTAHUHU LAVA.
Fa’amolemole ia manatua mai lau lafoga e pei ona tatou talanoaina i le tatou fono talu ai, fa’amolemole u’u u’u mai sau ta’ita’i aua se talialoga mo lea aso, ma le agaga fa’aaloalo.
E iai le manatu maualuga o le laulau, o le a tatou auai fa’atasi I lea aso ua taupoina, sei o tatou soalaupule ma sei o tatou lafo aso aua le faamoemoe o le galuega o le faleaoga o si o tatou nu’u ua amata fausiaina, aua alo ma fanau lalovaoa a si o tatou nuu pele o Sapunaoa I Falealili.
Mo nisi faamatalaga fa’amolemole fa’afeso’ota’i le telefoni – 021 087 13240 poo le 022 521 8938.
Sainia lenei fa’asilasilaga e le laulau afono a lo tatou nu’u. Fa’afetai.
Post expires on 1 November, 2025