Na mafai ona faasaoina mai le soifua o se tagata na aafia i se faalavelave tau taavale i le vaveao analeila.
O se faalavelave na tula’i mai i le auala le Expressway i Huntly, Waikato.
Māua i lipoti mai le leitio faavaomalo a Niu Sila, na valaau fesoasoani muamua poo emergency services ma na faanatinati le aga’i ane e tali i le matāupu.
Na taunuu i latou i le nofoaga na lavevea ai taavale, poo le lata i le ‘afa o le itula e 4 i le vaveao.
Na taofia lea faaitu mai le aga’i atu o taavale a o taumafai ai i latou o fesoasoani muamua – le vaega o le tineimu e taumafai e aveese mai se tagata na mau i totonu o le tasi o taavale na lavea.
Faamauina e le’i iai i se tulaga tigaina i latou na aafia i le faalavelave, e aofia ai ma lē na mau i totonu o le taavale.
Ta’ua o taavale na aafia i le matāupu, o ne loli lapo’a ma se taavale i lona ituaiga o le trailer.
Ua toe tatala nei lea itu mo le feoa’iga o taavale.
Puna o Faamatalaga: https://www.rnz.co.nz/news/national/561889/firefighters-rescue-person-trapped-in-truck-after-waikato-expressway-crash
