Ua molia ma ua faasalaina nei se alii Niu Sila i lona faaoolima i ni tagata faigaluega i luga o le vaalele a o aga’i mai se faigāmalaga mai Perth mo Aukilani.
Māua foi i lipoti, e faatino e lea alii le faaoogalima o loo faasuå’avā; ma ona o le mata’utia tele o gaioiga a lea alii na māfua ai ona toe liliu le vaa ma aga’i i Melepone e ma tulaueleele ai mo se taimi.
Ua faasala ai nei i le falepuipui mo le 6 masina le alii 23 tausaga, ma i le tuu mai ai o le faai’uga a le County Court a Victoria, na faaalia ai, i le mae’a ai ona tuli o lona faasalaga, ua faatonuina lea alii e totogi aga’i i le kamupani vaalele na malaga ai le $10,824 pe tusa lea ma le $11,834 tālā Niu Sila.
Faamauina i lipoti, na valaau ane le Australian Federal Police mo se fesoasoani i se tagata ‘onā ua maitauina lava le faasoesā i le to’atele o tagata i luga o le vaalele ma i’u ai lava ina faaoolima lea alii i nai tagata faigaluega; ma na faamauina le manunu’a ai o i la’ua na aafia.
Puna o Faamatalaga: https://www.rnz.co.nz/news/national/567941/watch-nz-man-sentenced-for-drunken-assault-during-perth-auckland-flight
