Ua faamaonia e tauala mai i se pepa o faamatalaga a le Ofisa o Femalaga’iga a Niu Sila, le faasala ai o se tagata Samoa ina ua faamaonia e le faamasinoga lona sootaga i mataupu tau femalagaiga e pei ona ia faaosoina ni tagata e solia le tulafono i tulaga o aiaiga i a latou visa.
O se tasi lea o matupu na faamauina le faatino ai o se su’esu’ega tele a le a le Immigration NZ e suesue ai gaioiga faalēalofa o loo faia faasaga i nai tagatanuu e malaga mai i totonu o le atunuu, ma e māua na amata mai lenei iloiloga ma sailiiliga talu mai le tausaga 2016 agai i le tausaga e 2021.
O lē na mua’i faia ia soligatulafono e pei ona galulue faatasi ai ma lē ua faasala nei, o se isi tagata Samoa foi, ua molia ma ua faasala i le 4 tausaga i le falepuipui; ma faatonuina e na te totogi atu le $4000 mo ē na aafia i lenei mataupu.
I tala’aga o lenei mataupu, o lē ua faatoa faasala atu nei, sa telē lava lana sao i galuega faalesolitulafono e pei ona fesoasoni atu i lē na faauluulu e faafaigaluegaina tagatanuu mai Samoa i totonu o Aotearoa nei e auanoa ma se faatagaga. Ta’ua na o la fesoasoani i le nofoaga e nonofo ai i latou na aafia, ma faatino vaega uma i visa, e ui o loo o lā iloa lelei aiaiga i visa na ulufale mai ai i totonu o Niu Sila, e lē tatau lava ona galulue i le atunuu.
Faamauina foi e fai o le lē sa’o o tulaga o le aumai ai o nai tagata i totonu o Niu Sila, ae na māua foi le lē lelei ai ona totogi.
Famanino e le Faatonu o Suesuega a le Vaega o Femalaga’iga a Niu Sila ia Steve Watson, e oo lava i le tulafono tagata e latou te faia gaioiga e aafia ai se isi tagata e pei ona faia e ia tagata Samoa.
O le faasalaga e lē o loo molia, o le nofo vaavaaia i lona fale poo le home detention mo le 6 masina.
Ua fautuaina foi e le Matagaluega o Pisinisi ma Galuega poo le Ministry of Business, Innovation & Employment tagata lautele ina ia faafesootai atu lo latou ofisa pe a o iai faamatalaga a o faamaumauga i nisi o loo faia ia faiga taufaasesē ma faatino gaioiga faasolitulafono e aafia ai le toatele aemaise i latou o loo malaga mai atunuu i fafo.
Puna o Faamatalaga: https://www.immigration.govt.nz/about-us/news-centre/second-samoan-national-sentenced-for-migrant-exploitation
