Ua faasala nei i le toese se talavou 14 tausaga le matua ina ua faamaonia e le faamasinoga ona moliaga o le fasioti tagata pa’ivalea.
O le maliu ai o se isi talavou e 16 tausaga, Enere Taaena-McLaren i Dunedin.
I lipoti, o lenei matāupu na tula’i mai i le masina o Me o le tausaga talu ai, e pei ona tatui ai se’i tulou e lē ua faasala Enere i se naifi faimea’ai tulou, ona o se feeseesea’iga i le va o i la’ua nei i se fale faatali pasi i Dunedin.
I le folasia ai o le faai’uga a le faamasino i le Faamasinoga Maualuga i Dunedin na faamaonia mai ai lona faia o se poloa’iga e tapu ai ona faalauiloa faalaua’itele le igoa o lē ua faasala nei, permanent name suppression, ae ta’ua e le’i talia ma lona tetee ai o tulaga o le tatala o ia e aunoa ma le faamaonia o lona faasalaga.
Faailoa e le tua’ā tamā a Enere o John McLaren, le faigatā ona faagaloina le aafia ai o si o latou aiga, ma le mea na tula’i mai i si ona atalii.
Ua faamauina i lipoti, e le’i faasalaina e le a’oga Trinity Catholic College lē ua falepuipui nei, ae na manino lava le tuu mai ai o le i’uga a sui o le faamasinoga – jury, e faamaonia le moliaga o le fasioti tagata pa’ivalea o lea talavou.
E tolu tausaga ma le 3 masina ua faasalaina ai le talavou e 14 tausaga.
Puna o Faamatalaga: https://www.rnz.co.nz/news/national/566640/dunedin-teen-jailed-for-3-years-and-3-months-for-bus-stop-stabbing-of-enere-taana-mclaren
