Ua aumai se fautuaga malosi ma se faamanatu a le Komesina o faigāpalota i le pulega a nuu ma totonu o aiga o le atunuu, ina ia silafia, e matuā faasā taputapu i aiaiga o le tulafono o faigāpalota ona faamata’u se tagata poo ni tagata i le faamoemoe e tauanau ai le latou lagolago i se sui faatū poo sui tauva o se faigāpalota e sa’ili ai sui usufono o le Palemene.
O le fautuaga e māfua mai i fesili e māfua mai i ni faamatalaga ua laumanu’ia ai ni faai’uga a nisi nuu ua latou faamata’u ai le faasala o se tagata e palota ese, nai lo le sui faatū o loo lagolago iai le afio’aga.
Ua laumanuia foi nisi tulaga ua ta’ua ai le faasā e se afio’aga o le faatutū o ni laupapa faalauiloa a sui tauva o isi nuu o le itumalo i totonu o isi nuu o loo iai se sui tauva o lea afio’aga o loo sauni e tauva i le tofi o le itumalo.
Le afioga Toleafoa Tuiafelolo Alexander John Stanley o le Komesina o faigāpalota.
