Ua molimauina le amata faapa’ū ai e le tele o faletupe i totonu o Niu Sila a latou tului faaopoopo poo interest rates mo nonogatupe i fale poo mokesi.

O loo maitauina ua aga’i le tele o faletupe e faatino lea tulaga ina ua o latou māua faamatalaga i le sau ai o se faalauiloa a Le Reserve Bank i le faapa’ū ai o le tului faaopoopo mautū e totogi e faletupe poo le vaega ua ta’ua o le (Official Cash Rate OCR), mai le 3.50% aga’i i le 3.25%. 

Ua faaalia ai le maualuluga o pasene ua faaitiitia ai tului faaopoopo i luga o nonogatupe a le to’atele talu ai lea suiga fou mai le Reserve Bank. 

Ua ta’ua o le faletupe a le BNZ, e 4.89% ua faaitiitia ai le tului faaopoopo i luga o le nonogatupe ua ta’ua o leFixed-term Home Loan.

O le isi vaega ua ta’ua o le One-year Fixed Rate ua faamauina e 4.95% ua faaitiitia ai le tului faaopoopo mai le pasene sa iai ma le Six-month Fixed Rate ua pa’ū i le na o le  5.35%.

O lana Variable Rate ua faapa’ū i le 6.44% mai le 6.66% sa iai. 

Mo le ANZ o a latou Floating Rates ua iai nei i le 6.49%, Flexible Rate o loo faamauina ua 6.60% i vaega o pisinisi e pei ona iai le Business Floating Rate ua tuuitiitia nei i le 4.80% mai le 5.50%, ua faamauina foi le faaitiitia o tului faaopoopo i luga o teugatupe poo le vaega ua ta’ua o le Savings and Call Account Rates.

Ua faaalia e le faletupe o lea suiga o le a amata aloa’ia i le aso a taeao, mo paaga fou ma paaga tuai a le faletupe. 

Mo le Westpac, ua o latou faaalia o le latou Special Rate o le a iai i le 4.95% i nonogatupe o le 1-2 ma le 3 year terms.

O a latou Variable home lending rates e 0.15% o le a faaitiitia ai lea ituaiga tului faaopoopo. 

Faamauina, ua faia lea suiga ma le naunauta’iga ina ia fesoasoani e tuumāmāina ai se avega i aiga i lenei vaitau o le taugatā o le soifuaga ma ua fautuaina ai e faletupe tagata uma ina ia faaaogā le avanoa e iloilo lelei ai vaega e talafeagai ma i latou e tusa ai ma nonogatupe manū o pa’ū tului faaopoopo.

Puna o Faamatalaga: https://www.newstalkzb.co.nz/news/business/official-cash-rate-announcement-banks-drop-interest-rates-after-reserve-bank-cuts-ocr/