E ui o loo tuli le faasalaga i le to’ese a le alii o Monaro Kerr-Wilson e 21 tausaga le matua, ae ua faamaonia mai le toe faaopoopo ai o le 4 masina i lona faasalaga, i le mae’a ai ona faamaonia i le faamasinoga o isi foi ona moliaga o loo aafia ai o ia.
Mo le silafia o le alii o Monaro o loo falepuipui i le taimi nei ina ua faamaonia ona moliaga o le taufaavalea.
E pei ona faamauina, sa ia pelogia ni tagata se to’alua, sa faatau atu i luga o upega tafa’ilagi le social media le “Facebook Marketplace Sellers” a la taavale.
E faapea o le tasi o taavale e oo atu i le $20,000 ma le isi $10,000 le tau na faatau atu ai.
Ta’ua na tuuina atu e Monaro faamaumauga o le faletupe ua mae’a ona tuuina le seleni o nei taavale i tusitupe a ia tagata faatau, e faailoa ai ua uma ona ia totogiina tau o taavale, peita’i e pepelo uma ia faamaumauga.
Ina ua faamaonia ona moliaga i le masina o lea na falepuipui ai Monaro mo le 22 masina.
O le toe faaopoopo ai o le isi 4 masina e falepuipui ai lea alii, ua afua mai i se isi ana gaioiga taufaavalea ma lona gaoia ai o se taavale, e faamauina sa ia faia i le taimi tonu lava na ia ave ai taavale e 2 e aunoa ma le totogiina o tau.
Ma le isi o matāupu lata mai, e faapea e to’alua i la’ua na faatinoa lea soligatulafono, ma o se tama’ita’i ma e māua e $12,000 le tau o se Red Honda 2005.
I le faaopoopo atu ai o le 4 masina i le faasalaga a lenei alii, o loo faamauina foi le faatonuina ai e le faamasinoga o le alii o Monaro e totogi atu le $500 i le inisiua o lē o loo aafia.
Ma e ta’ua e lē o le taimi muamua lea ua aafia ai o ia i le tulafono.
Puna o Faamatalaga: https://www.rnz.co.nz/news/national/570050/jailed-facebook-fraudster-monaro-kerr-wilson-has-more-prison-time-added-to-sentence
