O lea ua faalauiloa mai e le ATAGI poo le kulupu o loo nafa ma le mataituina o tuipuipui i le atunuu e faapea ua fautuaina nei le faia o le tuipuipui lona fā ma ua agavaa ai le tusa ma le 1.5 miliona o tagata Ausetalia.
Ua faamaonia mai lea tulaga e le sui minisita o le soifua maloloina Katy Gallagher ma ta’ua ai o lona uiga o le a agavaa ai foi ma i latou e aafia i le kanesa ma iai isi aafiaga tau le soifua maloloina e aafia ai.
O le taimi nei o i latou uma e ta’i 65 tausaga ma sili atu le matutua, Aboriginal ma Torres Strait e silia ma le ta’i 50 tausaga le matutua ma i latou e iai isi aafiaga tau le soifua maloloina ma iai manaoga tumau.
O loo faatalia la le faamautuina mai o nisi o le a agavaa i lea fuafuaga.
