O nisi faamaumauga fou ua alia’e ua iloa ai ua ta’i tolu aso ma lipoti ane le osofa’ia o avepasi i Aukilani pe faia foi iai ni faamata’u aemaise lava i le masina o Me ma Iuni ua vaaia ai le faatupula’ia o lea tulaga.
Ua saunoa le pelesetene o le iuni a avepasi e moni ua faagasolo le faia o talipupuni poo shields e malupuipuia ai le avepasi mai le vaega o iai le pasese ae ua fai si tuai o le faatinoina o lea tulaga aemaise ni gaioiga e faia i sauaga ma faamata’u e fai ane.
Ua ta’ua i le televise tasi se faamatalaga mai le Auckland Transport e faapea o loo faatino i le mafai e gata ai le faamautinoaina o loo saogalemu avepasi ma pasese ma ua faafaigaluega foi nisi transport officers e fesoasoani ai i le galuega a leoleo.
O loo ta’ua i le lipoti o le isi lea mafuaaga ua agai ese ai le toatele sa avepasi ona o ituaiga sauaga faapea e lamatia ai soifua.
Puna o Faamatalaga: https://www.1news.co.nz/2024/07/26/physical-threats-reported-by-auckland-bus-drivers-every-three-days/
