O se tala lata mai i taaloga laiti o le Pasefika mo le ‘au a Samoa, ua faaopoopo atu nei le isi 10 o pine i le numera o pine ua faamanuiaina sui o Samoa o loo tausinio ma fai ma avefu’a a le atunuu. 

O lea ua faaopoopo atu le isi pine auro i pine a le tama’ita’i taalo o Paige Kemp i le faaagatama o le ‘aau – le vaega ua ta’ua o le Swimming 50m Butterfly mo tama’ita’i. 

I le vaega lava o ‘aau na sola ai le tama’ita’i o Nafanua Hamilton ma le pine auro i le vaega o le 200m Backstroke ma Solomona Hamilton i le vaega lava lenei o le 200m Backstroke i le itupa o alii. 

Ua faaopoopo ni pine siliva i le lisi o pine a Samoa e pei ona mauaina e le ‘au ‘aau a tama’ita’i i le vaega 4 X 200m Freestyle Relay, ma le tasi o pine siliva na sola ma le alii o Ekitoa Tamati i le taaloga o tauiviga poo le Wrestling Beach 90kg+  aga’i i luga i le itupa o aii. 

Mo pine apamemea – e 3 pine apamemea na mauaina e le tama’ita’i o Anoni Taulua i le taaloga o le siisii u’amea mamafa i le Clean & Jerk 58 kg, Snatch 58 kg ma le Total 58 kg i le itupa o tama’ita’i.

I lea lava faagatama na maua ai e le alii o Falevaa Tafi le pine apamemea i le Snatch 65 kg mo alii.

Ma le isi pine apamemea na maua e le tama’ita’i o Anne Cairns i le Marathon – Va’a V116 km. 

Ma ua 20 ai nei pine a Samoa i le taaloga laiti o le Pasefika.

Puna o Faamatalaga: https://pg2025.gems.pro/Result/MedalListContingent