Ua faaopoopo le isi $200,000 foa’i a le malo mo tagata aafia i lologa o le South Island.

O lea na muai tuuina mai e le malo le isi $200,000 i le vaiaso talu ai, peitai mai asiasiga faapea fonotaga a le Palemia ma tagata aafia i le aso ananafi na faasilasila mai ai loa le toe faaopoopo o le isi $200,000.

O le afa o le tupe ua toe aumai o le a maua lea e Marlborough, a o le isi $100,000 e mo Nelson Tasman.

Mai le malo o foa’i tupe ua vave faamatuu mai e mo mana’oga vave o loo iai nei, ae e ono toe faaopoopo isi fesoasoani a le malo.

Ua faafetaia e le pulenuu o Marlborough John Leggett le faasilasilaga ua faailoa mai ai le foa’i faaopoopo a le malo.

Ao faamama ma fuafua le tele o galuega toe faaleleia, o le Aso Tofi nei foi o loo toe tautau ai e toe toulu ai isi timuga mamafa.