O le kamupani vaalele a le Virgin Australia le uluai kamupani ua mafai ona o latou saunia ane se masini e tulituliloa ai le vaega o iai le uta a le tagata malaga.
O pasese i le silia ma le 2/3 o sootaga a le kamupani vaalele i totonu o Ausetalia o le a mafai ona o latou tulituliloa le vaega o iai a latou ato ua maea ona siakiina ona o le app fou ua saunia nei.
E lua tausaga o tau tuufaatasia lenei auaunaga fou ma sa faataitaia ia Me ma ua amanaia ai foi ni finagalo faaalia mai pasesee faatatau i mafatiaga i le lusi o ato poo uta foi.
Fai mai le sui o le kamupani ua fiafia e faalauiloa lenei auaunaga fou ma le faamoemoe o le a faamama avega mo pasese aemaise foi i le latou pitolaau.
O le amataga o le tausaga nei na faalauiloa ai e le Ea Niu Sila o le a o latou faatino foi seisi ituaiga faiga faapea i le latou foi app ma ua faapena foi i se faamatalaga mai le Qantas.
