O le asō ua faamuta aloa’ia ai le toe ulaulaina e le mamalu lautele o disposable vapes i le sau ai o se tapu mai le malo mo Atoearoa atoa.
E lē gata o le a tapu le toe faaaogāina, o le a tapu le toe faatauina atu e faaleoloa eseese o lea oloa, ae ua faasā foi ona toe vaaia le faia ai o ni faalauiloa i totonu o faleoloa i vapes nei faapea luga o upega tafa’ilagi.
Ua ta’ua le fetaia’i o faleoloa ua faaigoaina o Specialist Stores ma tulafono foi i lea fuafuaga.
Ua taofia ma tapu le toe faia o ni faalauiloa i faailoga poo giveaways ma rewards ma le maketiina atu o disposable vapes i luga o upega tafa’ilagi.
Na faamanino e le Minisita Lagolago o le Soifua Mālōlōina a Niu Sila, o lenei fuafuaga o loo aga’i tonu i le tau faaitiitia ai o le aofa’i o tupulaga talavou e tagofia ma ulaina vapes, o le isi itu o loo tilotilo i taumafaiga e faaitiitia ai otaota lafoa’i ua tauau ina aafia ai le si’osi’omaga.
Ae ua faaalia manatu ma fautuaga a foma’i faapitoa poo Experts, o le latou talitonuga, e tusa lava pe a amata nei tapu, ae o le a sa’ili lava e tagata auala faaālatua e maua ai vapes.
Puna o Faamatalaga: https://www.rnz.co.nz/news/business/564255/disposable-vape-ban-and-strict-advertising-rules-begin-what-you-need-to-know
