Foliga mai o le a faamautuina lava le faagasolo o le taamilosaga o le super rugby, le trans tasman ina ua faalauiloa mai I le aso ananafi le faaiuga I femalagaaaiga saoloto I le va o ausetalia ma Niu Sila.
O le taamilosaga e ono vaiaso ua fuafua e amata I le ogatotonu o Me ae na faaalia e le faauluuluga o le NZ Rugby, Chris Lendrum, o se tala fiafia mo tagata uma, e le gata I le au taaalo ae faapea foi I pisinisi ma tagata uma e iai sootaga I atunuu e lua.
Fai mai Lendrum I le televise tasi e lua au malolosi o le a fetaui I le taamilosaga lea, au mai ausetalia le Reds ma le Brumbies. Na ia faailoa foi e le o iai ni fuafuaga a le NZ Ruby e talosaga ile malo e faia vave ni tui puipui o ana tama taaalo ma o loo malosi lava le faamoemoe I nisi o aiaiga ua faatulaga e feoai saoloto ai tama taaalo I le va o niusila ma Ausetalia.
Sa fetauaina muamua o le taamilosaga lona tolu o le taamilosaga o le a faaigoa o le Super Round ma e faia I le nofoaga e tasi peitai ua faailoa e Lendrum e le o le tulaga la lea o le a iai ma o loo galulue nei I le toe faatulagaina o taaloga ia.
Ole tatala mai o le trans tasman bubble ua faia ai foi ma faatalanoaga ma le Sanzaar ma le Rugby Australia e faatatau I fuafuaga mo le taamilosaga I se taimi mulimuli ane o le tausaga nei.
