Ua faamautū e leoleo a latou moliaga e 19 faasaga i le tamaitai o Lise Marie Schmidt ina ua valaau le matāupu faamasinoga lenei i le Aso Lua o le vaiaso nei i le Faamasinoga Faaitumalo.
O moliaga o Lise e mafua i se tusi na ia tuuina atu i le Loia Sili a le Malo ma le tusi i le afioga i le Ao o le Malo, o loo faailoa ni tuua’iga i ni aafiaga o le tamaitai Palemia i le maliu o le tamaitai polofesa o Caroline Sinavaiana Garbbard ia Me o le tausaga na te’a nei.
O moliaga e 19 a leoleo o loo aofia ma le tuua’iga ua taumafai Lise e natia le faia o le amiotonu ma lona faia o ni faamatalaga taufaasese ma le lē moni.
E le’i tuuina atu se tali a lē ua molia i moliaga ona ua tuu le avanoa i le loia a le o loo tuua’ia e silasila ma iloilo moliaga uma.
O le aso 8 o le masina fou o Iulai e toe valaau ai moliaga o Lise.
