O le lima tausaga ua amata savalia o le faigāmalo filifilia ua avea ai le sui faipule o Gagaifomauga 3 ma ta’ita’i o le Malo i le tauaveina o le tofi Palemia, o le a saga mausalī ai le lagolago a Samoa i le malo o Isaraelu.
Ua faailoa e le afioga i le Palemia susuga Laaulialemalietoa Leuatea Polataivao Fosi Schmidt, i le feiloa’iga ma tusitala o lona laeiina o se tasi o vaega tāua o tu faa-Isaraelu i le aso o le faatautoga o le faailoga lea o le tāua ia te ia o le faavae o Samoa i le Atua o Isaraelu.
Le ta’ita’i o le malo le afioga i le Palemia susuga Laaulialemalietoa Leuatea Polataivao Fosi Schmidt.
O le tausaga nei ua atoa ai le 53 tausaga talu ona faamautū sootaga faavaomalo o Samoa ma Isaraelu talu mai le masina Me o le tausaga e 1972 na sainia ai e malo e lua ia sootaga faavaomalo.
