O le faatuina e le malo o le nofoaga mo su’esu’ega faasaienisi lea ua mafai ona su’esu’e ai isi oloa fou e mafai ona gaosi mai fua eseese o atina’e tau faato’aga, ua tatala ai nei i lea nofoaga se vaega fou ua faapitoa i le faafofoaina ma le faamautū o pisinisi tau faato’aga.
Na faaalia e le Minisita o Faato’aga ma Faigafaiva o loo iai ma le vaaia o le nofoaga mo su’esu’ega faasaienisi, i le tatalaina o lea vaega fou ua ta’ua o le Samoa Agri Business Incubation Centre, e 10 miliona le fesoasoani mai le Iuni a Europa o loo faaaula mai i le Matagaluega o Tupe a le Malo, o le a mafai ona agavaa iai le aufaifaato’aga tetele i le atunuu e faatino ai ni a latou taumafaiga e toe gaosi ai nisi oloa fou mai fua o faato’aga, ma o se isi alagatupe faaopoopo mo le aufaifaato’aga ae tafe atu ai foi ia tupe maua faaopoopo i le tamaoaiga o le atunuu.
Le Minisita o Faato’aga ma Faigafaiva e aofia ai ma le nofoaga o su’esu’ega faasaienisi o loo i Nafanua, le susuga Laauli Leuatea Polataivao Fosi Schmidt.
