Ua aloa’ia nei aso o le faigāpalota aoao a le atunuu i le masina o Aukuso ina ua aumai faalauaitele le faasalalauga aloa’ia mai le afioga i le Ao o le Malo le afioga Tuimalealiifano Vaaleto’a Sualauvi II, i le Aso Lua o lenei vaiaso.
O le aso 27 o Aokuso o le Aso Lulu lea o le a faia ai le palota muamua poo le pre-polling, ae Aso Faraile 29 o Aokuso o le palota aoao mo tagata palota uma ua mae’a ona lesitala.
Mo le silafia o aiaiga o le palota muamua e talosaga ai se tagata palota i le Komesina o faigāpalota pe afai o ni matua tausi, o tagata e malaga ese ma le atunuu, ma tagata e faigaluega i le aso e faatino ai le palota tele.
O loo faamauina talu mai le aso 5 o le masina nei ua silia i le 66 afe tagata ua mae’a ona lesitala ae o loo faagasolo pea lea galuega ua faamoemoe e tapunia lea avanoa i le faai’uga o le masina nei o Iuni.
E 2 afe tālā le sala tupe a le tagata ua agavaa e palota ae e le’i lesitalaina, ae mo le tagata ua lesitala ae lē alu e palota e selau tala lana sala o loo aiaia i le tulafono o faigāpalota.
O lona uiga e faamalosia le lesitala faapea foi ona faamalosia le alu e palota.
