A o lumana’i le vaiaso a sau e faagasolo ai tapenaga faai’u mo le faigā filifiliga aoao a le atunuu i lana palota tele, ua faailoa e le Komesina o faigāpalota nisi o tapenaga ua mautū, e pei o le 5,053 o tagata palota ua faamauina talosaga mo le palota muamua lea e faia i le Aso Lulu a sau a o lumana’i le palota tele i le Aso Faraile 29 o Aokuso.
O lea aofa’iga o tagata palota o nisi o tinā ma tamā matutua, o nisi e iai o latou mana’oga tumau, ae o isi o tagata faigaluega i le aso o le palota tele ma nisi e malaga ese ma le atunuu a o lumana’i le aso o le palota tele.
Ua faailoa foi e le Komesina o faigāpalota le afioga Toleafoa Tuiafelolo Alexander John Stanley, o le Aso Gafua o le vaiaso nei i le maota o Tuiatua Tupua Tamasese Efi i Sogi na faaauau ai le vaega lona lua o a’oa’oga mo le ‘aufaipalota poo Polling Officials, ma le faamoenmoe e mae’a i le Aso Faraile o le vaiaso nei.
Ua faailoa e le ofisa o le komisi o faigāpalota e na o le 72 tagata palota mai fafo ua faamautū o le a auai i le faigā filifiliga.
