Ua faamaonia lava ele coroner o le mafuaaga o le uma o le ola o si pepe e lua tausaga mai Newcastle ile masina o Tesema, ona o le koviti 19.E talitonuina ole tagata aupito laititi lea ua maliu I lenei faamai I totonu o Ausetalia.

Na muai lipotia atu I talafou le mataupu lenei ia Ianuari ae lei mautinoa I le taimi lea e fomai le mafuaaga o le uma o le ola o le pepe.Peitai la I le maea o le suesuega na faatino ele coroner ua faailoa mai ai I le vaiaso nei o le koviti na mafua ai.

O le omicron variant lea sa afaina ai si pepe ma o le popolega foi lea ua aliae ai finagalo o nisi o matua ona e le o iai se tui puipui faapitoa mo tamaiti e I lalo ifo o le tai 5 tausaga le matutua.

I Niu sau Uelese lava ia o tamaiti 5-11tausaga le matutua ua mafai ona faia tui puipui ua faamauina e nao le 49 pasene ua maea ona faia tui puipui muamua ma le 19.6 pasene ua maea tui lona lua.

O loo faaauau pea le faamanatu a le matagaluega o le soifua maloloina ia faia tui puipui ma tui puipui faaopoopo foi mo tagata agavaa ma ia faaaoga tatau le avanoa ua maua mo le fanau e faia ai tui ua avanoa maim o le fesoasoani I lepuipuiga mai le faamai.