Ua faamaonia mai nei le faalauiloa ai e le alii o Ardie Savea ana fuafuaga e aga’i atu i Iapani e taalo ai mo le ‘au o le Kobelco Kobe Steelers i le tausaga fou 2026.
Faaalia e lea alo o Samoa, lona aga’i atu e faataunuu se tasi o tuutuuga i lalo o lana konekarate ma le Moana Pasefika, e pei ona ia sainia ma faamautūina; o le tuuina atu o se avanoa e mālōlō mai ai i taaloga a le Moana mo sina taimi; ae aga’i e taalo i Iapani mo le tasi le tausaga, i lona faauigaina i faaperetania “sabbatical clause”.
A mae’a le tausaga o lea maliega e ta’alo ai i Iapani ona toe taliu mai i Niu Sila i le ‘au a le Moana Pasefika i le tausaga 2027.
Ta’ua e le alii taalo o Ardie Savea o le a faigatā lona tuua ai o le ‘au mo se taimi ae o loo iai lona naunauta’iga o le a toe foi mai e tautua ma taalo mo le Moana Pasefika.
