I le avea ai o le Aso Gafua o lenei vaiaso aso 8 o Setema 2025 e avea ma aso e toe faafoi ai le poloa’iga o le faasalalauga o le faigāpalota tele a le atunuu ua mae’a i le afioga i le Ao o le Malo, afioga Tuimalealiifano Vaaleto’a Sualauvi II, o le Aso Faraile na te’a nei na faailoa lautele ai le faamaonia e le Ao o le Malo o sui usufono filifilia e 51 o le paea’iga 18 a le Palemene, ina ua mae’a i le aso 29 o Aokuso le faigā filifiliga aoao a Samoa.
– Palauli 2
– Gaga’emauga 2
– Lefaga ma Faleaseela
– Gagaifomauga 2
– Aana Alofi 1
– Gaga’emauga 1
– Anoamaa 1
– Palauli 2
– Satupaitea
– Palauli 3
– Faasaleleaga 5
– Gagaifomauga 1
– Vaisigano 1
– Aleipata Itupa i Luga
– Faasaleleaga 1
– Aleipata Itupa i Lalo
– Vaa o Fonoti
– Sagaga 1
– Vaimauga 2
– Faasaleleaga 3
– Faasaleleaga 2
– Vaimauga 4
– Vaimauga 3
– Faleata 1
– Sagaga 4
Ua faailoa ai foi e le ofisa o le komisi o faigāpalota i ana faamaumauga i le mae’a o le palota tele e 15 nofoa ua manumālō ai le vaega faaupufai o le Faatuatua i le Atua Samoa ua Tasi i Savaii e ese mai le sui tauva tuto’atasi o Palauli 2 e lagolago i lea patī faaupufai maua ai le 16 o nofoa o lea patī i Puleono, ma le isi 15 nofoa ua manumālō ai lea lava patī faaupufai i Upolu.
O le aofa’iga atoa o nofoa ua manumālō ai le Faatuatua i le Atua Samoa ua Tasi e 31.
I le patī faaupufai e puipuia aiā tatau a tagata e 11 o latou nofoa na manumālō ai i le aofa’iga e 30 o itumalo palota i le motu o Upolu sa faia filifiliga, ae 3 nofoa na manumālō ai lea vaega faaupufai i le filifiliga a itumalo palota e 20 i Savaii.
O le aofa’iga o latou nofoa e 14. O le Samoa ua potopoto e 3 nofoa na manumālō ai i Upolu ae le’i manuia mai so latou sui sa tauva i Savaii.
E tasi le sui tauva tuto’atasi na manumālō i Upolu ae to’alua i Savaii.
I fuainumela o tagata palota na lagolagoina pe sa palota i sui sa tauva i le fu’a a le Faatuatua i le Atua Samoa ua Tasi ua faailoa e le ofisa o le komisi o faigāpalota i ana faamaumauga e 36.707.
O tagata sa palota i sui tauva a le vaega e puipuia aiā tatau a tagata e 33,040.
E 7,746 sa palota i sui sa taufetuli i le fu’a a le Samoa ua Potopoto.
E 11,229 na palota i sui tauva tuto’atasi, e afe ma le 42 na palota i sui sa tauva mo le Samoa Labour Party, 42 na palota i sui tauva o le patī o le Tumua ma Pule, ae to’a 25 na palota i le sui tauva o le vaega faaupufai o le Constitutional Democratic Republic party.
E 90,403 tagata palota sa agavaa mo le faigā filifiliga ua mae’a ae na o le 89.831 tagata na palota.
