E le o iai se faamoemoe o Niu Sila e faafaigaluega mai nisi mai le pasefika mo lana vaega o puipuiga ao faagasolo ai pea talanoaga a Ausetalia mo le faatinoina o le tulaga lea i lana auaunaga le Australian Defence Force.
Ta’ua i lipoti a le RNZ na o latou fesiligia le vaega o le puipuiga a Niu Sila i le mataupu lea tauala atu i lalo o le tulafono o faamatalaga aloaia le Official Information Act; peitai e lei taliaina lea talosaga ona e le o iai ni faamatalaga faapea o avanoa ane.
O le tali na faailoa ane e lē o iai se fuafuaga poo ni talanoaga a le vaega o le puipuiga a le atunuu i lea mataupu mai le Pasefika.
O le faamatalaga foi mai le Asosi o le Puipuiga a Ausetalia ua ta’ua ai e manaomia le sitiseni o tagata e faafaigaluega ane mai le Pasefika e oo foi i se sitiseni Niu Sila e faigaluega ai i le militeri a Ausetalia e tatau lava ona avea muamua ma tagata sitiseni o Ausetalia.
Taua i le lipoti lava lea a le RNZ ese mai le Sui Palemia o Samoa sa ia ta’ua popolega i le tele o tagata Samoa ua agai ‘ese mai ma le atunuu, o loo faailoa foi e Papua Niu Kini ma Fiti o le a faaavanoa ane tagata pe afai ae manaomia i lea fuafuaga.
Puna o Faamatalaga: https://www.rnz.co.nz/international/pacific-news/566154/nzdf-not-considering-recruiting-personnel-from-pacific-nations
