Ua faamaonia, ma faalauiloa mai e le malo le faamalosia ai o tulafono e faasala ai i latou e faatino gaioigafaasolitulafono, aemaise lava i latou ua lē na o le tasi le taimi na faasala ai ae ua tele taimi ua ia solia ai le tulafono, “Three Strike Law”.
Faamauina o lenei faiga fou e lilifa lava i tagata e molia atu i moliaga o le faia o uiga matagā poo le faigāaiga faamalosi i nisi.
I lea fuafuaga o le a vaavaai ai i faatulagaga o soligatulafono.
Mo ē faato’ā solia se tulafono “First-time offenders”, o le a tuu iai se tusi aloa’ia o lapata’iga poo le formal warning.
O i latou ua toe tula’i mo le taimi lona lua “Second-time offenders”, o le a faasala i le falepuipui, ma e lē agavaa foi i le palola poo le prison without parole.
Ae mo le tagata e molia atu mo le taimi lona tolu “Third Strike”, o le a okometi ona faasala i le faasalaga auptio maualuga poo le maximum sentence, e lē agavaa i se palola ma o le a lē talia lava se talosaga e tusa ai ma lana matāupu.
Ua faailoa e le Minisita Lagolago o Faamasinoga, Nicole McKee ua to’atele tagata ua faaalia popolega o tagata lautele ma ua moomia le saogalemu o lotoifale, a ia toe vaaia le saogalemu o tagatānuu e femalagaa’i solo.
O le saga faamalosia ma le iai o ni tulafono faapei o lenei fuafuaga o le a maua ai le filemu o tagatānuu.
Ua faamauina e 42 ituaiga soligatulafono o loo aofia i lalo o le fuafuaga o tulafono nei.
Puna o Faamatalaga: https://www.1news.co.nz/2025/06/17/revived-three-strikes-sentencing-law-takes-effect/
