O le aoga tulagalua a le afioaga o Moataa e tu lata i le sami ma o le mafuaaga lea o le filifilia e le asosi o le taaloga alovaa a Samoa e amata ai lana taumafaiga e faalauiloa i fanau le tāua o le saogalemu i le vai poo le water safety e ala i le a’oa’oina o le taaloga alovaa.
O faiaoga o le aoga tulagalua na auai i le a’oa’oga sa faafoe e le kalapu alovaa o le Pualele i se taumafaiga o loo tapena ai mo le tausaga fou 2025 e faagasolo ai le faalauiloa i aoga tulagalua uma i le atunuu.
Faaalia i se pepa o faamatalaga o le a’oa’oga i le Aso Faraile ua mavae ua fai ai se koma a alii ma tamaitai faiaoga mai le a’oa’oina o le fanau, ae auai e faatino se isi a’oa’oga tāua e fesootai i lo latou tiute tauave o aso uma, o le a’oa’oina o fanau.
