Ua faailoa nei e le Komiti Iloilo o Tu ma Aga Taualoa a le Palemene le faamālōlō lē tumau ai nei o sui faipule e to’atoluo le vaega faaupufai a le Te Patī Māori, i le mae’a ai o sa latou iloiloga i le matāupu ua tuua’ia ai sui faipule ia Rawiri Waititi, Debbie Ngārewa-Packer, ma Hana-Rawhiti Maipi-Clarke.
Ua faamauina o le alii faipule ia Rawiri Waititi ma le tamaitai faipule ia Debbie Ngārewa e 21 aso ua faamālōlō lē tumau ai i la’ua mai le auai i ni taualumaga a le Palemene.
Ae o le tamaitai ia Hana-Rawhiti Maipi-Clarke e 7 aso ua faamālōlō ai nei o ia.
Ua ta’ua e le sui o le Komiti ia Judith Collins, o gaioiga a nei sui faipule, e lē taualoa i le latou tilotilo, ona o le tulaga i lefaalavelave i le faigapalota a le maota fono i le ulua’i faitauga o le tulafono taufaaofi o le Principal Treaty, e pei ona latoufaatino ai se haka i totonu o le Maota Fono.
Ua faaalia le lagolagoina e le vaega faaupufai a le ACT o lea faai’uga, peita’i o loo faaalia le tetee a le vaega faaupufai a le Greens ma le Leipa i le faai’uga a le komiti ua tuuina mai.
Puna o Faamatalaga: https://www.rnz.co.nz/news/national/561026/unprecedented-punishment-on-te-pati-maori-mps-over-protest-haka-not-taken-lightly-judith-collins
