E lē tau faailo le faamanatuina pea i lea tausaga ma lea tausaga o le aso e manatua ai le tautua o malu o le malo i Niu Sila ma atunuu o le Pasefika – le Police Remembrance Day.
E pei ona faamanatuina i le aso 29 o Setema.
Ma o se aso e patipatia ai le tautua matavela a le faitau afe o leoleo i Niu Sila, Ausetalia ma le atu Pasefika; aemaise o le manatua ai o ē ua faiilagi folauga- ma ē na maliliu ao ia i luga galuega.
O lea aso faapitoa e aofia ai i latou o leoleo faatautōina ma i latou o savili o loo galulue punoua’i i lea auaunaga.
Mo le tausaga nei 2025, o lea ua faalauiloa mai le faatino ai o se sauniga faapitoa, ma o le a faasalalauina tusa’o mai i luga o upega tafāilagi- le facebook a le ofisa o leoleo, le NZ Police ma le itulau a le Police Museum.
Faamauina, toe lima minute i le itula e 11, o le a faasalalau tusa’o mai ai polokalame mo lea aso faapitoa tāua i le taeao o le Aso Gafua.
Manatu le auaunaga o se faiga lea ina ia maua ai e le lautele ona auai i lea sauniga e ala i auala o fesoota’iga.
Puna o Faamatalaga: https://www.facebook.com/share/p/17CwbmtoQX/
