Ua faalauiloa nei se tasi o galuega a le Matagaluega o Tina ma Tamaitai, Atina’e o Afioaga ma Agafesoota’i ua faaigoaina o le Malu i Fale i i luga o ala o fesoota’iga tau faasalalau mo le faaitiitia o sauaga i totonu o le atunuu. 

O lenei galuega ua faamoemoe ina ia siitia ai le silafia ma le malamalamaga o tatou tagata i le natura, o mafuaaga autū, ma aafiaga ogaoga o sauaga i soo se siosiomaga o le soifuaga.  

O le siitia o le malamalama e fesoasoani tele lea i tagata o le atunuu ina ia mafai ona suia mafaufauga ma faatinoga, e afua ai faafitauli ua aafia tele ai alo ma fanau a lo tatou atunuu. 

O lenei galuega na galulue soosootau’au ai faapaaga le matagaluega o Tina ma Tamaitai ma le faalapotopotoga o Malo Aufaatasi o le UNICEF, le Iuni o Europa, le Toomaga mo ē Puapuagatia ma ana paaga i mea tau fesoota’iga tau faasalalau, ina ia faatino lenei polokalame ma le naunauta’iga ia faamaualuga le amana’ia o avanoa tutusa, o tu ma aga e mautinoa ai le saogalemu o fanauiti mai sauaga, le suia o mafaufauga ma talitonuga ua tatou masani e talia, ae afaina ai le soifua saogalemu aemaise lava i totonu o le lotoifale o le aiga. 

O le auga atoa ina ia mafai ona tau tuuititia le tulai mai o sauaga i totonu o le atunuu.