O le iuga o le suesuega i se mataupu e aofia ai se malu o le malo i Ausetalia na tuuaia i le maliu ai o le talavou apoliki o Kumanjayi Walker i le 2019 ma ua iloa ai o se faiga faailoga lanu.
O le talavou lea e na o le 19 tausaga le matua na maliu ina ua tafana faatolu e le leoleo o Constable Zachary Rolfe ina ua agai atu i se faalavelave na osofaia ai se fale i le Northern Territory.
E le o toe avea lea alii o se leoleo i le taimi nei ma sa molia i le fasioti tagata ma le loto iai, ae sa lei faamaonia i le faamsinoga i le 2022 ma afua ai le tele o solo tetee.
O le tuuina mai la o le iuga o le suesuega lea sa faia e le faamasinoga ua faailoa ai e le faamasino o Elizabeth Armitage o le maliu o Walker sa mafai ona alofia ma o loo iai faamaoniga manino o uiga faailoga lanu i totonu o le auaunga a leoleo i le Northern Territory.
I se pepa o faamatalaga ua faailoa ai e leoleo mai le Northern Territory o lenei suesuega sa faia o se tulaga faigata ma umi mo tagata uma na aofia ai ma o le a faataua mea uma na maua i lea suesuega Lipotia e le ABC se faamatalaga mai le aiga o le na maliu ua taua ai o le a silasila i fautuaga ua tuuina mai i le iuga o le lipoti umi lea mai le tamaitai faamasino.
Pun o Faamatalaga: https://www.bbc.com/news/articles/cd0vkl31085o
