O le atina’eina o nuu ma afio’aga o le atunuu i taumafaiga a le malo e ala i le Matāgaluega o Faato’aga ma Faigāfaiva, ua faailoa ai e le Minisita o le malo tausi mo lea matāgaluega a le malo, le iai o se fesoasoani ua ofoina e le malo o Saina o le a saunia ai masini mamafa e suaina fanua o nuu ma itumalo, i se taumafaiga e fesoasoani i le faato’aina o le laueleele i laau tau faato’aga.
O le tatalaina o le ulua’i seleselega a le itumalo o Vaisigano 1 i le Aso Tofi o lenei vaiaso, na faailoa ai lea fesoasoani e le Minisita o Faato’aga ma Faigāfaiva le afioga Niuava Eti Malolo.
Le Minisita o le malo tausi mo le Matāgaluega o Faato’aga ma Faigāfaiva o lē sa avea ma Faipule o Vaisigano 1 le afioga Niuava Eti Malolo.
